photo

ჩვენს შესახებ

ფინური განათლების მოდელი

გარდა იმისა, რომ ფინეთი ცნობილია არაერთი მსოფლიო დონის ინოვაციური გამოგონებით, როგორებიცაა: Nokia, გულისცემის მონიტორი, ინტერნეტის საძიებო ველი, თამაში Angry Birds, SMS და Linux, ფინეთი  ასევე პოპულარულია თავისი საგანმანათლებლო სისტემით. უფრო მეტიც, 2012 წლიდან ფინეთი არის მსოფლიოში ერთ-ერთი წამყვანი ქვეყანა სასკოლო განათლების სისტემით. ფინური სკოლის ერთ-ერთი ყველაზე მნიშვნელოვანი მახასიათებელია ინდივიდუალიზმის, პრაქტიკულობისა და ინოვაციებისადმი მზაობის განვითარება. საგნების სწავლების ინტეგრირებული მიდგომა ფინური საგანმანათლებლო მოდელის კიდევ ერთი მნიშვნელოვანი მხარეა, მაგალითად სხვადასხვა საგნების მასწავლებლები ერთად გეგმავენ გაკვეთილებს და ახდენენ სხვადასხვა საგნის ინტეგრირებას. ყოველივე ეს სასწავლო პროცესს მულტიდისციპლინურ და ჰოლისტურ ხასიათს ანიჭებს.  ფინური სკოლის მოდელი ითვალისწინებს იმგვარი სასწავლო გარემოს შექმნას, რომელიც მოსწავლეს ეხმარება არასტრესულ, პოზიტიურ გარემოში მიიღოს თანამედროვე განათლება. მოსწავლეები სამუშაოს ძირითადად სკოლაში, მასწავლებლების დახმარებით ახორციელებენ, სახლში მხოლოდ მინიმალური დავალება რჩებათ შესასრულებელი.